هيام الشوق للمبدع عز الدين الحميري

هيام الشوق:
سرح خيالي وجيت أسأل اللي بيمناك
وش حالك لو سمعت ونة قلبي ومتونه
ياترى تهيم بروحك والشوق لعندي خذاك
ماراح استبق وأخمن ويبان الحال وشجونه
ماعليك من هالوصف وتعال شوف غلاك
جيت اكتب لنبض قلبك وأسمع غناه ولحونه
مع نسيم الليل هب عطرك وفاح شذاك
ببستان الحشا وهل غيمك وسقت مزونه
شبيه نبي الله يوسف وأبوه لحظة لقاك
يقول خذوا قميصي لاجل يفتح عيونه
ياحال خف بالوصف وعسى تنال مناك
باللقى وضمة ذاك اللي تولع قلبي بفنونه
يصوم الحرف ويفطر من يهل علي مساك
قمر مايغيب بكل الأوقات وساعاته موزونه
يانجم سهيل المع صوب دياره وافتح الشباك
داعب خصلات شعره ووجناته بلمسة حنونه
شردت وتهت كني بصحرا وعيني بسماك
مثل اللي يرقب درب وطريق تهل ضعونه
لاتقولون بالغت بالكلام وشى حالك وبلاك
اسالوا أهل الغرام وقيس عن عشقه وجنونه
ياللي تناظر معاني كلامي تعال خذ غذاك
أرسم معاني صور تريح بالك وتبعد ظنونه
              @عزالدين الحميري@